Энэтхэгийн Ерөнхий сайд Нарендра Моди коронавирусний вакцинд олон хүн хамруулах зорилгоор энэ сарын 11-14-ний өдрүүдэд “вакцинжуулалтын баяр” зохион байгуулахыг уриалжээ.

    "Вакцинжуулалтын баярын үеэр аль болох олон хүнийг вакцинд хамруулахын тулд хүчин чармайлт гаргах ёстой. Залуучууд 45-аас дээш насны бүх хүнд вакцин хийлгэхэд нь туслах ёстой" гэж Моди хэллээ. Энэтхэгт вакцинжуулалт нэгдүгээр сарын 16-нд эхэлжээ. Вакцин хийлгэсэн нийт хүний тоо одоогоор төлөвлөсөн үзүүлэлтээс хоцорсоор байна.