Фото: Эмх замбараагүй болсон Техас

Арктикийн хүйтэн агаар өмнөд зүг рүү чиглэж, өвлийн шуурга дэгдсэн тул АНУ-ын төв хэсгийн ихэнх нутаг болон Техас муж хүндхэн байдалд ороод байна. Техасын сая сая оршин суугчид хүйтний эрч чангарсан энэ үед гэрэл цахилгаангүй өдрүүдийг өнгөрүүлж байгаа юм.

Эрчим хүчний нөхцөл байдал сайжирч байгаа ч дахин цахилгаан тасарч болзошгүй байгааг албаныхан анхааруулжээ. Техасчууд хатуу нөхцөл байдлыг даван туулж, дулаарлын төвүүдээс хоргодох байр олж, задгай зуух эсвэл шарсан махны зуухыг дулаацахын тулд ашиглахаар хайж байгаа аж.

2021 оны 2-р сарын 16-нд Техас мужийн Корпус Кристи хотод хүйтэн цаг агаарын улмаас тог цахилгаангүй болсон тул иргэн Кристан Худ хоёр бага насны хүүхдийнхээ хамт машиндаа дулаацаж байна. Зургийн эх сурвалж: The Atlantic

Техас мужийн Хутто хотын Гленвуд хороололд тог тасарсаны дараахан Ховард, Нена Маму нар гэртээ оройн хоолоо идэж байна. 2021 оны 2-р сарын 16-нд. Зургийн эх сурвалж: The Atlantic

Тог тасарсны улмаас хотын гурван цэвэрлэх байгууламж бүгд хаасан тул ганцхан гидрантаас ус татаж чадсан гал сөнөөгчид шатаж буй байшингийн галыг унтрааж байна. 2021 оны 2-р сарын 15-ны өдөр. Усны даралт бага байсан тул байшинг аврах боломжгүй байв. Зургийн эх сурвалж: The Atlantic

2021 оны 2-р сарын 15-ны өдөр Техас мужийн Хьюстон хотын төвд бут мөсөөр бүрхэгджээ. Зургийн эх сурвалж: The Atlantic

2021 оны 2-р сарын 15-нд Техас мужийн Остин хотын ойролцоох Бастроп тойрогт адуунууд нар мандахтай зэрэгцэн тэвшинд хийсэн мөс хайлахыг хүлээж байна. Зургийн эх сурвалж: The Atlantic

2021 оны 2-р сарын 17-нд Техас мужийн Остин хотод байрлах H-E-B хүнсний дэлгүүрт хүмүүс урт дараалалд зогсож байна. Зургийн эх сурвалж: The Atlantic

2021 оны 2-р сарын 15-нд Техас мужийн Пфлюгервилл хотын Блэкхокк орчмыг цас бүрхэж байгаа тул нэгэн эрэгтэй цахилгаангүй хороололд найзынхаа гэр рүү алхаж байна. Зургийн эх сурвалж: The Atlantic

Хүмүүс 2021 оны 2-р сарын 17-нд Техас мужийн Остин дахь супермаркетад бэлэн мөнгөний касс хүлээж, бүтээгдэхүүний хоосон тавиурын хажууд жагсаж байна. Зургийн эх сурвалж: The Atlantic

2021 оны 2-р сарын 18-ны өдөр Хьюстонд нийтийн цэцэрлэгт хүрээлэнгийн хоолойноос гарах усыг авахаар ирсэн хүмүүс хүйтэн жавартайд оочерлон зогсож байна. Хьюстон болон түүний эргэн тойрны хэд хэдэн хотод оршин суугчид гэр орондоо усгүй хэвээр байна. Зургийн эх сурвалж: The Atlantic

Хьюстонд нэгэн эр дулаацахын тулд ууттай нүүрс худалдан авчээ. 2021 оны 2-р сарын 16-нд. Зургийн эх сурвалж: The Atlantic

Виктор Зелая Техас мужийн Хьюстон хотод 2021 оны 2-р сарын 16-нд болсон өвлийн шуурганы улмаас цахилгаан тасарсан үед хоол хийхэд ашиглахаар мод хувааж байна. Зургийн эх сурвалж: The Atlantic

Карла Перес, Эсперанза Гонзалес нар 2021 оны 2-р сарын 16-ны өдөр Хьюстонд цахилгаан тасрах үеэр мах шарагчны галд дулаацаж байна. Зургийн эх сурвалж: The Atlantic

Хүмүүс Техасын өмнөд Падре арал дахь нүүлгэн шилжүүлэх төвд хүйтэн цаг агаараас аврахаар яст мэлхийнүүдийг байрлуулж байна. Зургийн эх сурвалж: The Atlantic

2021 оны 2-р сарын 16-ны өдөр Техас мужийн Форт Уорт хотод цасан шуурга шуурсны дараа “Pike Electric” үйлчилгээний ачааны машинууд жагсав. Зургийн эх сурвалж: The Atlantic

Ричардсон хотын ажилчин Калеб Лав 2021 оны 2-р сарын 16-нд Техас мужийн Ричардсон хотод хөлдсөн усан оргилуурт мөс хагалж байна. Зургийн эх сурвалж: The Atlantic

2021 оны 2-р сарын 15-ны өдөр Техас мужийн Хьюстон хотод цасан бүрхүүлтэй толгод дээр хүмүүс гулсаж байна. Зургийн эх сурвалж: The Atlantic

Форт-Уортод 2021 оны 2-р сарын 17-нд цасан шуурганы дараа хүмүүс толгод руу чаргаар гулгажээ. Зургийн эх сурвалж: The Atlantic

Зүүн Остин хотын оршин суугчид 2021 оны 2-р сарын 15-нд цаснаас машин түрж гаргажээ.

2021 оны 2-р сарын 17, Техасын Остин дахь I-35 гудамжны доорхи орон гэргүйчүүдийн хуаран.

Хүмүүс 2021 оны 2-р сарын 17-нд Хьюстоны пропан танкийг дүүргэхээр дараалалд зогсож байна. Үйлчлүүлэгчид бороонд саваа дүүрэхийг цаг гаруй хүлээв.

Дэвсгэр мэдээлэл: АНУ-ын хэд хэдэн мужид эрчим хүч тасарснаас нийт таван сая гаруй хүн тоггүй болжээ. Эрчим хүчний доголдлыг харуулдаг албан ёсны сайтад мэдээлснээр дээрх таван сая хүний олонх нь Техас, Орегон, Луйзиана, Кентаки мужийн иргэд юм. Түүнчлэн АНУ-д энэ жил хамгийн их хүйтэн өвөл болж байна. Хьюстон мужийн эрх баригчдын мэдээлж байгаагаар машиныхаа халаагчаар гэртээ дулаан байх оролдлого хийсэн гэр бүл угаартжээ. Энэхүү золгүй явдлаас болж, ээж нь найман настай охиныхоо хамт нас барсан бол аав нь долоон настай хүүтэйгээ эмнэлэгт хүргэгдсэн байна.

Эх сурвалж: The Atlantic

Фото: Эмх замбараагүй болсон Техас

Ангилал

Огноо

Унших

Өмнөх

Дараах

Төстэй мэдээллүүд: