"Тесо" корпорациас үйлдвэрлэдэг "Зөв" брэндийн найруулдаг хуурай аарц, аарцан үрэл бүтээгдэхүүнүүд БНСУ-ын зах зээл дээр эрэлттэй байгаа тул уг бүтээгдэхүүнийг худалдаанд гаргахаар тээвэрлэлтийн ажил эхэлжээ.

Аарцан үрлийн хувьд олон улсын стандартаар хэд хэдэн төрлийн жимсний амттайгаар үйлдвэрлэдэг билээ. Харин найруулдаг аарц нь усанд уусаж аарцны онцгой амтыг гаргадаг шинэ технологиор хийгдсэн тул хэрэглэгчид сэтгэл ханамжтай байгаа юм. Цар тахлын үед дархлаагаа дэмжих нэгэн тустай арга нь халуун аарц, чацаргана ууж хэрэглэх болсон тул энэ төрлийн бүтээгдэхүүний эрэлт хэрэгцээ нэмэгдсэн байна.