АНУ-д коронавирусний вакцинжуулалтын үзүүлэлт өдөрт 1.2 сая тун орчимд хүрч байна.

Энэ тухай Цагаан ордны дэргэдэх цар тахалтай тэмцэх ажлын хэсгийн ахлах зөвлөх Энди Славитт мэдэгджээ.

Өнгөрсөн долоо хоногт долоон муж улсад насанд хүрсэн хүмүүсийн 10 гаруй хувь нь вакцины эхний тунг хийлгэжээ. Эмнэлгийн байгууллагуудад 48 сая тун вакцин хүргэгдсэнээс 27 сая тунг нь хийгээд байгаа аж.

“Worldometers” цахим хуудасны мэдээлснээр, АНУ-д коронавирусний халдварын 26.6 сая тохиолдол бүртгэгджээ. Халдварын улмаас 450 мянга гаруй хүн нас баржээ.