Цагдаагийн байгууллагаас 2026 оны нэгдүгээр сард 45,800 хэрэгт мөрдөн шалгах ажиллагааг явуулж, өнгөрсөн долоо хоногт 582 хэргийг шүүхэд шилжүүлэх саналтай прокурорын байгууллагад хүргүүлсэн байна. Эдгээр дунд өнгөрөгч аравдугаар сард нярайн цогцсыг даавуунд ороон хогийн цэг дээр хаясан этгээдэд холбогдох хэрэг байгаа юм. Тэгвэл цагдаагийн байгууллагаас мэдээлснээр өнгөрөгч 2025 онд “Эх нь нярай хүүхдээ алах” дөрвөн гэмт хэрэгт мөрдөн шалгах ажиллагааг явуулсан байна. Ингэхдээ тус гэмт хэрэгт холбогдуулан гурван хүнийг яллагдагчаар татсан байна.