"Gem mall" худалдааны төвд эхнэрээ 40 удаа хутгалж хөнөөсөн Ц.Энхбатад шүүхээс бүх насаар нь хорих ял оногдуулж, ялыг хаалттай хорих ангид эдлүүлэхээр болсон. Ц.Энхбат шүүхийн шийдвэрийг эс хүлээн зөвшөөрч, давж заалдах гомдол гаргасан ч Нийслэлийн Эрүүгийн хэргийн Давж заалдах шатны шүүх түүнд анхан шатны шүүхээс оноосон бүх насаар нь хорих ялыг хэвээр үлдээсэн байдаг.

Тэгвэл Ц.Энхбат дахин Улсын Дээд шүүхэд гомдол гаргасан байна. Энэ талаар Улсын дээд шүүхээс тодруулахад, "Ц.Энхбатын гомдол ирсэн нь үнэн. 1-р сарын 26-нд гомдол нь ирсэн" гэх хариултыг өглөө.

Хэргийг сануулахад, өнгөрсөн зургаадугаар сарын 27-ны өдөр БГД-ийн нутаг дэвсгэрт байрлах "Gem mall" худалдааны төвд эхнэрээ олон удаа хутгалж хөнөөсөн аймшигт хэрэг гарсан байдаг.