Нийслэлийн прокурорын газраас дараах хэрэгт яллах дүгнэлт үйлдэж шүүхэд шилжүүлжээ. Тухайлбал, Н.М нь бусадтай бүлэглэн нэр бүхий иргэний эзэмших эрхэд халдаж, түүний эзэмшиж байсан тээврийн хэрэгслийг авахаар хүч хэрэглэн заналхийлсэн хэрэг гарчээ. Эл хэрэгт Эрүүгийн хуулийн 13.3 дугаар зүйлийн 1 /Хүн барьцаалах/, Эрүүгийн хуулийн 17.2 дугаар зүйлийн 1,2 /Дээрэмдэх/, Эрүүгийн хуулийн 17.6 дугаар зүйлийн 1 /Бусдын эд хөрөнгийг авахаар заналхийлэх/-д зааснаар яллах дүгнэлт үйлдэж Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд тус тус шилжүүлсэн байна.