Энэ баасан гарагийн УИХ-ын чуулганы хуралдаан УИХ-ын асуулгын цагаар үргэлжилнэ. Өөрөөр хэлбэл, АН-ын бүлгийн гишүүд Ерөнхий сайд тодорхой сэдвүүдийн хүрээнд асуулт асууж, мэтгэлцэх юм.

Тэгвэл энэ удаад "Унасан эдийн засаг - Уруудсан итгэл" агуулгын хүрээнд Ерөнхий сайдаас асуулт асуух аж.

АН-ын бүлгээс "Монгол Улсын Засгийн газар эдийн засгийн тодорхой бодлогогүй, улс төр, төрийн систем авлигад бүрэн идэгдэж, ялзарсны уршгаар эдийн засаг зогсонги байдалд орж, агшиж байна.

Аж ахуйн нэгжүүд татварын өртэй дансаа хаалгаж, боловсрол, эрүүл мэндийн салбар элгээрээ хэвтэж, иргэдийн амьжиргаа доройтож, эмзэг хэсэг нь хүнсний хомсдолд орох аюул нүүрлэлээ" гэж үзжээ.