УИХ-ын чуулганы хуралдаан үргэлжилж байна. Хуралдааны үеэр УИХ-ын дарга Н.Учрал "Тэтгэврийн зээлийг 36 сар болгох асуудлаар тооцоолол хийлгэж байгаа. Инфляцыг өдөөх зүйл байхгүй юм билээ. Банкны эрх ашигтай холбоотой хэнийг ч Монголбанкны Ерөнхийлөгч, дэд ерөнхийлөгчөөр томилохгүй шүү" гэж анхаарууллаа.
Сануулахад, Монголбанкны Ерөнхийлөгч Б.Лхагвасүрэнгийн бүрэн эрх дууссантай холбогдуулан "Эрдэнэс Монгол" ХХК-ийн гүйцэтгэх захирал С.Наранцогтыг нэр дэвшүүлээд буй. Нэр дэвшигчийн сонсгол ирэх сарын 16-нд болно.
