Бүгд найрамдах улсаа тунхаглаж, анхдугаар үндсэн хуулиа баталсны 101 жилийн ойд зориулсан барилдаан Монгол бөхийн өргөөнд эхэллээ. Бөхийн барилдааны нэгийн даваанд том цолтой бөхчүүдээс Улсын аварга П.Бүрэнтөгс сумын заан М.Мандахбаяраар, Улсын аварга О.Хангай сумын заан З.Анхбаяраар, Улсын арслан Э.Оюунболд сумын заан А.Мягмарсүрэнгээс тус тус давлаа.
Харин Улсын заан М.Лхагвагэрэл, Б.Серик, Б.Бат-Өлзий нар аймаг, сумын цолтой бөхчүүдэд өвдөг шороодоод байна.
