АНУ-ын Хүнс, эм бэлдмэлийн чанарын асуудал эрхлэх газар (FDA) “Moderna” компанийн коронавирусний вакциныг хэрэглэх зөвшөөрөл олгожээ.

Тус байгууллага  вакциныг бие даасан шинжээчдийн зөвлөл дэмжсэний маргааш нь баталсан байна. “Онцгой байдлын үед ашиглах зөвшөөрөл нь вакциныг 18 болон түүнээс дээш насны хүмүүсийг вакцинжуулахдаа ашиглах боломжийг олгож байгаа юм” хэмээн АНУ-ын Эрүүл мэнд, нийгмийн хамгааллын албаны харьяа байгууллагын мэдэгдэлд дурджээ.

Вакцины туршилтад 30 мянган сайн дурынхан оролцсон бөгөөд үр дүн нь 95% байжээ. Вакциныг хоёр тарилгаар хийх шаардлагатай бөгөөд хоёр дахь тарилгыг 28 хоногийн дараа хийх юм байна. Энэ нь АНУ-д хэрэглэхийг зөвшөөрсөн хоёр дахь вакцин бөгөөд өмнө нь  “BioNTech”, “Pfizer” компаниудын вакциныг хэрэглэхийг зөвшөөрсөн байна.