“Монгол хаан” жүжгийн сурталчилгааг 7 тэрбум төгрөгөөр хийсэн гэх баримтыг УИХ-ын гишүүн Б.Энхбаяр олон нийтэд ил болгосон. Эл асуудалд тухайн үед Соёлын сайдаар ажиллаж байсан Ч.Номин дараах тайлбарыг өглөө. Тэрбээр "Намайг Соёлын сайдаар ажиллаж байх үед "Монгол хаан" жүжигт зориулан ямар нэгэн санхүүжилт гараагүй. Харин бодлогын дэмжлэг үзүүлж байсан зүйл байгаа. Ерөнхийлөгч маань хүртэл Англид айлчлах үедээ театрын удирдлагуудтай уулзаж байсан. Хуульзүйн сайдаар ажиллаж байсан хүн сургаар, нягтлалгүйгээр хариуцлагагүй мэдэгдэл хийж байна" гэлээ.
