УИХ-ын гишүүн, Төрийн байгуулалтын байнгын хорооны дарга Ц.Сандаг-Очир Ерөнхий сайдыг огцруулах бичигт гарын үсэг зурж, УИХ-ын даргад өргөн мэдүүлсэн талаараа мэдээлэл хийлээ.
Тэрбээр хэлэхдээ "Зарим УИХ-ын гишүүдийг дарамталж, хууль шүүхийн байгууллагаар шалгуулж, ар гэр, ах дүүсийг нь айлгаж ичээж буй байдал хэрээс хэтэрлээ. Яагаад ганцхан УИХ-ны даргыг шалгуулах гээд байгаа юм бэ. Өнөөдөр 126 гишүүн дотор бүтэн нэртэй, бүлээн цустай хүн байхгүй болж байна. Олонх нь асуудалтай байгаа, бүгд шалгуулцгаа.
Өнөөдөр Засгийн газар тийм сайн ажиллаж байгаа юм уу. Эдийн засаг элгээрээ хэвтсэн байгаа нь үнэн. Боловсрол, эрүүл мэнд, эрчим хүчний салбар элгээрээ хэвтсэн байгаа нь үнэн. Үүнд анхаарахын оронд сандал суудлаасаа ховхрохгүйн тулд асуудалд хандаж байгаа нь үнэхээр харамсалтай байна" гэлээ.
