Нийслэлд энэ сарын 13-ны өдөр “Автомашингүй өдөр”-ийг зохион байгуулахаар төлөвлөжээ. Энэхүү өдөр 07:00–18:00 цагийн хооронд автомашины хөдөлгөөнийг тодорхой бүсэд хязгаарлах юм.
Хязгаарлагдсан цэгүүдэд агаарын чанар, дуу чимээний түвшний үзүүлэлтийг хэмжиж, 16-ны өдөр буюу энгийн хөдөлгөөний нөхцөлтэй харьцуулан дүгнэлт гаргах аж. Мөн нийтийн тээвэр, дугуйн замын ашиглалт болон иргэдийн оролцоог харьцуулан судална. Энэхүү өдрийн зорилго нь автомашины хэрэглээнээс үүдэлтэй сөрөг нөлөөг багасгах, олон нийтийн анхаарлыг хүрээлэн буй орчинд чиглүүлэхэд оршиж байгаа бөгөөд уриагаа “Эрсдэлгүй, эрүүл ирээдүй” гэж тодорхойлжээ.
