УИХ-ын дэд дарга Б.Пүрэвдорж Ардчилсан намын даргад нэр дэвших хүсэлтээ албан ёсоор өглөө. Тэрбээр хүсэлтээ өгснийхөө мэдээлэл хийж, байр сууриа илэрхийллээ. Энэ үеэр хэлэхдээ "Өнөөдөр есөн жилийн турш Монгол Ардын нам үнэмлэхүй олонх засаглахдаа иргэдийн боломжийг бүгдийг нь хулгайллаа. Төсвийн хулгай, Ковидын хулгай, нүүрсний хулгай, ногоон автобусны хулгай зэрэг маш олон хулгай хийсэн. Үүнд хариуцлагын асуудал ярихгүй байна. 2028 онд АН ялалт байгуулснаар Төрийн нэр барьсан Ардын намын хулгайч нартай маш хатуу хариуцлага тооцох болно" гэлээ.