Баяр, наадмын амралтын өдрүүд тохиож байгаатай холбогдуулан ОБЕГ, ЦУОШГ, Экологийн цагдаагийн албанаас ой хээрийн түймэр, үер усны эрсдэл, цаг агаарын урьдчилсан нөхцөл байдлын талаар мэдээлэл хийлээ. ОБЕГ-ын Гал түймэртэй тэмцэх хэлтсийн дарга П.Соронзонболд " Нийт 12 аймгийн 66 сум, 3 дүүргийн 170 удаагийн ой хээрийн түймрийн дуудлага ОБ-ын байгууллагад бүртгэгдсэн. Үүнээс өнөөдрийн байдлаар 12 түймэрт 300 гаруй алба хаагч ажиллаж байна. Эдгээр 12 түймрийн 5-ыг нь цурамд оруулж, 7 түймрийг хяналтад авахаар ажиллаж байна. 6-р сарын 30-наас 7-р сарын 8-ны хооронд нийт 28 удаагийн гал түймрийн дуудлага ирсний 24 нь Сэлэнгэ аймагт гарсан гал түймар байна. Онцгой байдлын байгууллага өндөржүүлсэн бэлэн байдлын зэрэгт шилжин ажиллаж байна" гэлээ.
