“Говь хянганд тулалдсан нь” киноны Ю.Цэдэнбал, “Үхэж үл болно Чингис хаан”, “Суварган цэнхэр уулс”, “Мандах нарны туяа”, “Амьдралын нахиа”, “Төрийн сүлд өршөө”, “Сайн уу амьдрал минь”, “Боолын гэрээ”, “Ээждээ л үнсүүлэх сэн”, "Гэм зэм" зэрэг дэлгэц, тайзны 160 гаруй бүтээлд дүр бүтээсэн Монгол Улсын Төрийн соёрхолт, гавьяат жүжигчин Ц.Төмөрбаатарт Ерөнхийлөгчийн зарлигаар Ардын жүжигчин цол хүртээхээр болжээ.
МУГЖ Ц.Төмөрбаатар нь өдгөө Хүүхэд, залуучуудын театрт ажиллаж байгаа юм.
