Дэтройт Пистонс багийн холбон тоглогч Деррик Рөүс улиралд сэлгээний холбон тоглогчийн үүрэгтэйгээр оролцохоор болжээ. Багийн дасгалжуулагч Дуэйн Кэйси "Драфтын долоодугаар сонголт Киллиан Хэйес гарааны холбогчийн ажлыг хийнэ" гэж мэдээлжээ. Ташрамд дуулгахад тэрээр өнгөрсөн улирлын эхлэлийг ч мөн сэлгээний суудал дээрээс эхэлж байсан ч улирлын дундуур гарааны холбогчоор тоглож байсан боловч коронавирусний цар тахлын улмаас лиг улирлаа зогсоож амжилт тааруу Дэтройт Пистонс багийн улирал өндөрлөсөн юм. 

Замналдаа 18.8 оноо, 5.6 дамжуулалт дундажлагч Деррик Рөүс өнгөрсөн улиралд 18.1 оноо, 5.6 дамжуулалт дундаж үзүүлэлтийг үзүүлсэн байна.