“Хааны эрэлд-2025” энхийг дэмжих ажиллагааны олон улсын хамтарсан сургуулийн нээлтийн ажиллагааны үеэр ЗХЖШ-ын дарга хошууч генерал С.Ганбямба АНУ-ын Энэтхэг-Номхон далайн цэргийн командлалыг төлөөлөн ирсэн дэслэгч генерал Вавелтай хоёр талын уулзалт хийлээ.
Уулзалтын үеэр талууд хоёр талын цэргийн хамтын ажиллагааны хүрээнд зохион байгуулж буй “Хааны эрэлд” сургуулийн хамрах хүрээ, сургалтын агуулга хэлбэр жилээс жилд өргөжин тэлж байгаад сэтгэл хангалуун байгаагаа онцолж, цаашид хэрэгжүүлэх хамтын ажиллагааны талаар харилцан санал солилцлоо.
Монгол Улсын Зэвсэгт хүчин АНУ-ын Энэтхэг-Номхон далай дахь цэргийн командлалтай хамтран 20 гаруй жилийн хугацаанд даян дэлхийн энх тайвны төлөө олон ажил, арга хэмжээ, сургалт дадлагыг зохион байгуулсан юм.
