Боловсрол, соёл, шинжлэх ухаан, спортын байнгын хорооноос Нийгмийн хариуцлага ба хөрөнгө оруулалт хэлэлцүүлгийг зохион байгуулж байна. Энэ үеэр УИХ-ын гишүүн Ч.Ундрам "Сүүлийн үеийн хүүхдүүд энгийн эх уншаад ойлгодоггүй болчихсон байна. Юм уншиж чадахаа байчихсан байна. Тиймээс бид хөтөлбөртөө өөрчлөлт хийж байгаа. Өөрөөр хэлбэл, минутад хэдэн үг уншихыг нь анхаарахгүй. Уншсан юмаа ойлгож байна уу гэдгийг анхаардаг болно. Цэвэр бичиж байгаад нь бус ойлгосон юмаа өөрийн болгож найруулж бичиж байна уу гэдэгт анхаардаг болно" гэв.