Сүхбаатар аймгийн Эрдэнэцагаан сумын нутагт гарсан түймрийг бүрэн унтраасан байна. Урьдчилсан байдлаар хээрийн түймэрт 1650 га талбай өртсөн байна. Өчигдөр өглөө 06:36 цагийн үед аймгийн төвөөс зүүн урд зүгт 170 км, сумын төвөөс баруун зүгт 70 км газарт Талын Агуу гэх газарт гал түймэр гарсан тухай дуудлага онцгой байдлын газарт бүртгэгдсэн бөгөөд албан хаагчид мөн өдрийн 14:14 цагт бүрэн унтраасан байна.

Улсын хэмжээнд 2025 он гарсаар 12 аймгийн 58 сум, нийслэлийн гурван дүүрэгт 89 удаагийн ой, хээрийн гал түймэр гарчээ. Үүнийг өнгөрсөн оны энэ үетэй харьцуулахад мөн л 30 гаруй хувиар өссөн үзүүлэлт аж. Булган 9, Хэнтий аймагт 19 удаагийн ой, хээрийн түймэр гарсан болохыг Онцгой байдлын газраас мэдээлсэн билээ.