Олон нийтийн сүлжээгээр УИХ-ын дарга асан Миеэгомбын Энхболдын охин Э.Хулан "Улаанбаатар спорт менежмент" ХК-ийн захирлаар томилогдсон гэх мэдээлэл цацагдсан. Бид дээрх мэдээллийг үнэн бодит эсэхийг тодруулахаар тус компанитай утсаар холбогдоход "Томилогдсон нь үнэн. Тавдугаар сарын 7-ны өдөр томилогдож, ажлаа хүлээн авсан" гэлээ.

Э.Хулан өмнө нь СХД-ийн ИТХ-ын төлөөлөгчөөр ажиллаж байсан бөгөөд өнгөрсөн 2024 оны орон нутгийн сонгуульд МАН-аас СХД-т нэр дэвшиж ялалт байгуулснаар НИТХ-ын төлөөлөгчөөр ажиллаж эхэлсэн юм.

АТГ-т мэдүүлсэн 2023 оны хөрөнгө орлогын мэдүүлгээс нь танилцуулбал:

-Өөрийн орлого - 60 сая төгрөг

-Гэр бүлийн орлого - 32.3 сая төгрөг

-Үл хөдлөх хөрөнгө - 98.7 сая төгрөг /Нийтийн орон сууц-2, үйлчилгээний зориулалттай обьект-1/

-Автомашин - 294 сая төгрөг /Land Criuser-300/

-Мал аж ахуй - 136.5 сая төгрөг /Хонь-50, Ямаа-65, Хурдан удмын адуу-5, Үхэр-20, Адуу-30/

-Газар - 0 төгрөг /Өмчлөх-007га-1, Эзэмших-700м2-1/

-Хадгаламж - 263.8 сая төгрөг

-Авлага - 320 сая төгрөг

-Зээл - 107.2 сая төгрөг

-Хувь эзэмшдэг компаниуд - /"Эм И Икс групп" ХХК, ''Эрдэнэс Тавантолгой" ХК," Эрдэнэс Тавантолгой" ХК/