Өнгөрөгч 2024 онд Хот, тосгоны эрх зүйн байдлын тухай хуулийг шинэчлэн баталж, хот дотроо улсын зэрэглэлтэй 2, орон нутгийн зэрэглэлтэй 14, дагуул дөрвөн хоттой болохоор тусгасан байдаг. Эл хуулийн заалт ирэх зургаадугаар сарын 1-нээс хэрэгжиж эхлэхээр байсан юм. Үүнтэй холбоотойгоор олон нийтийн дунд төдийгүй хууль тогтоогчдын зүгээс Үндсэн хуулийн зөрчил рүү орно гэх асуудлыг хөндсөн.

Тэгвэл өнгөрөгч тавдугаар сарын 9-нд Засгийн газраас Хот, тосгоны эрх зүйн байдлын тухай хуулийн шинэчилсэн найруулгад нэмэлт өөрчлөлт оруулах хуулийн төслийг өргөн барив. Эл хуулийн төсөлд шинэчилсэн найруулгын хэрэгжиж эхлэх хугацааг нэг жилээр буюу 2026 оны зургаадугаар сарын 1-нээс болгож хойшлуулахаар тусгасан байна.