УИХ-ын чуулганы хуралдаанаар Гурилыг гаалийн албан татвараас чөлөөлөх тухай хууль хүчингүй болсонд тооцох тухай хуулийн төслийг үргэлжлүүлэн хэлэлцлээ. Энэ үеэр УИХ-ын гишүүн З.Мэндсайхан ноолуурын асуудал хөндөж, баруун аймгийнхны ноолуурыг авах чиглэлд "Цагаан алт" хөтөлбөрийн хэрэгжилтийг хангахад яам ямар бодлого баримталж байгаа талаар асуулаа.

ХХААХҮ-ийн сайд Ж.Энхбаяр хариулахдаа "Ноолуурын худалдан авалт идэвхтэй явагдаж байна. Бид дотоод нөөцөө шахаад, 330 тэрбум төгрөгийн эх үүсвэр ноолуурын худалдан авалтад гаргасан" гэв.