УИХ-ын чуулганы хуралдаанаар Эрүүл мэндийн даатгалын үндэсний зөвлөлийн даатгуулагчийг төлөөлсөн гишүүнийг томилох, чөлөөлөх тухай асуудлыг хэлэлцлээ.

Нэр дэвшигчээс гишүүд асуулт асууж, хариулт авсан бөгөөд Б.Рагчааг ЭМДҮЗ-ийн даатгуулагчийг төлөөлсөн гишүүнээр томилох нууц санал хураалт явуулахад, гишүүдийн олонх нь дэмжсэн тул ЭМДҮЗ-ийн даатгуулагчийг төлөөлсөн гишүүнээр Б.Рагчааг томиллоо.

Б.Рагчаа нь Монголын тээвэр холбоо, газрын тосны ажилтны үйлдвэрчний эвлэлүүдийн холбоонд зохион байгуулагч, Монголын тээвэр холбоо, газрын тосны ажилтны үйлдвэрчний эвлэлүүдийн холбоонд дэд дарга, Монголын тээвэр холбоо, газрын тосны ажилтны үйлдвэрчний эвлэлүүдийн холбоны дарга, 2021 оноос Монголын Үйлдвэрчний эвлэлийн холбооны дэд ерөнхийлөгчөөр ажиллаж байжээ.