УИХ дахь АН-ын бүлэг хуралдаанаас гаргасан шийдвэрээ танилцууллаа.

Энэ үеэр УИХ-ын гишүүн Х.Тэмүүжин "УИХ-ын танхимд УИХ-ын толгой дээр гараад суучихдаг Ерөнхий сайдын суудлыг буулгах шаардлагыг УИХ-ын дарга Д.Амарбаясгаланд гаргах шийдвэрийг УИХ дахь АН-ын бүлгээс гаргалаа. УИХ нь УИХ шиг ажиллах цаг нь болсон. Засгийн газраас оруулж ирсэн хуулийн төслийг яаратай горимоор гээд хээлцээд болоод байдаг юм билээ. Тэгвэл одоо Үндсэн хуульд УИХ нь 126 гишүүээс бүрдэнэ гэж заасан болохоос Ерөнхий сайд нь тусдаа сууна гэж заагаагүй. Тиймээс УИХ-ын дарга парламентад ёсыг хангуулах ажлаа яаралтай горимоор оруулж ирж хэлэлцүүлэх цаг нь болсон" гэв.