Хөвсгөл аймгийн Мөрөн сумын "Шинэ мөрөн" худалдааны өнөө орой төв шатжээ.
Тодруулбал, "Хөвсгөл аймгийн Мөрөн сумын Элст баг “Шинэ Мөрөн” худалдааны төвд гал гарч байна гэсэн дуудлага өнөөдөр /2025.04.14/ 21:36 цагт аймгийн Онцгой байдлын газарт ирсэн.
Дуудлагын дагуу аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид ажиллаж байна. “Шинэ Мөрөн” худалдааны төвд гарсан галыг унтраахаар ажиллаж байна" хэмээн Онцгой байдлын газраас мэдээлэв.
Тус худалдааны төв нь 2018 оны 4-р сард ашиглалтад орсон бөгөөд нийт 380 түрээсийн лангуу бүхий томоохон худалдааны төв цэг байв.
"Шинэ мөрөн" төвд аймаг орон нутгийн онцлогийг харуулсан гадна, дотны аялагч, жуулчдад зориулсан Хөвсгөлийн брэнд бүтээгдэхүүнийг худалдаалах тодорхой цэгийг ажилуулдаг байсан аж.
