Улаанбаатар хотод нийтийн эзэмшлийн гудамж талбай, явган хүний зорчих хэсэгт саад учруулж, зөвшөөрөлгүй байршуулсан 1000 гаруй ТҮЦ буюу түргэн үйлчилгээний цэг бий. Эдгээр ТҮЦ-ийг нүүлгэж, орчныг чөлөөлж эхэлсэн. Тэгвэл ирэх даваа гарагт ТҮЦ эрхлэгчид Сүхбаатарын талбайд өлсгөлөн зарлах аж.

Хотын дарга Х.Нямбаатар "ТҮЦ гэдэг байгууллага Монгол Улсад түүхэн үүргээ гүйцэтгэсэн. Хороо, дүүргийн Засаг дарга нар ТҮЦ-үүдээ нүүлгэ. Би өөрөө очиж шалгана" гэж мэдэгдсэн юм.