Цагдаагийн Ерөнхий газрын Хар тамхиатай тэмцэх газраас интерполын үндэсний төв товчооны "Хөх булант" зар мэдээгээр эрэн сурвалжлагдаж байсан М-ыг баривчилжээ. Тодруулбал, М нь Франц улсад оршин суудаг бөгөөд 2024 оны арваннэгдүгээр сараас 2025 оны гуравдугаар сарын 18-ныг хүртэлх хугацаанд иргэн Т-тэй бүлэглэн Герман улсаас олон улсын шуудан илгээмжээр дамжуулан цэвэр жин нь 844 грамм мансууруулах сэтгэцэт нөлөөлөх бодисыг худалдаалах зорилгоор хууль бусаар Монгол Улсын хилээр нэвтрүүлжээ. Дээрх 22-25 насны хоёр этгээдийг гуравдугаар сарын 18-нд баривчилж зарж борлуулахаар хадгалж байсан сэтгэцэт нөлөөлөх бодисыг эд мөрийн баримтаар хураан авчээ. Улмаар тэдэнд цагдан хорих таслан сэргийлэх арга хэмжээг авч мөрдөн шалгах ажиллагааг үргэлжлүүлж байна.
Сэтгэгдэл (3)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!