БНСУ-ын уран бүтээлчидтэй хамтран зохион бүтээсэн “In da house-3: Korea” кино гуравдугар сарын 6-наас кинотеатруудаар үзэгчдийн хүртээл болно.

Эл бүтээлд өмнөх хоёр ангид тоглосон жүжигчин Н.Баясаа, С.Батзориг, Г.Лхагвацэрэн, У.Цогтбаяр, Р.Сүхболд нарын уран бүтээлчдээс гадна Солонгосын А зэрэглэлийн жүжигчид Ги Жү Бун, Юн Жэ Мүн нарын алдартай уран бүтээлчид дүр бүтээсэн юм. Киноны нээлтэд оролцохоор БНСУ-ын уран бүтээлчид Монголд хүрэлцэн ирэх аж. Түүнчлэн “In da house-3: Korea” уран бүтээлийг БНСУ-ын CGV сүлжээ кинотеатруудад гаргахаар болжээ.

Тэгвэл “In da house-3: Korea” киноны дууг дуучин Mekh ZakhQ, BX нар хамтран дуулжээ. Дээрх хоёр дуучин 2024 онд хамтран “Захиа” гэх дуугаа гаргаж байв.

BX-ийн хувьд 2013 оноос шинэ уран бүтээл хийгээгүй. Түүнийг АНУ-д амьдардаг гэх мэдээлэл бий. BX-ийн "My love", "Sorrow", "Сак", мөн "Ийм нэгэн дурлал" киноны дууг мэдэхгүй хүн ховор биз ээ.