Энэ мэдээ хуучирсан буюу 2025/02/18-нд нийтлэгдсэн мэдээ болно.

“УИХ-ын гишүүн Э.Болормаа нь Их Британийн Виржиний аралд бүртгэлтэй оффшор компаниас санхүүжилт авсан нь батлагдсан“

Ангилал
Улс төр
Огноо
Унших
1 минут 40 секунд

Иргэний нийгмийн төлөөллөөс өнөөдөр УИХ-ын гишүүн Э.Болормаагийн асуудлаар мэдээлэл хийлээ. Тэд "УИХ-ын гишүүн Э.Болормаа нь сонгуулийн үеэр 100 хувийн гаднын хөрөнгө оруулалттай, оффшор данстай компаниас хандив авсан байна. Энэ нь сонгуулийн хууль зөрчсөн. Мөн аудитын газраас УИХ-ын гишүүн Э.Болормаагийн тайланг бүрэн нягтлаагүй гэдгээ хүлээн зөвшөөрсөн.

Төрийн аудитын байгууллага хууль завхруулдаг, гэмт хэрэгтнийг өмгөөлдөг байж болохгүй. Монгол Улсын санхүүг хянах чадамжгүй, төрийг дампууруулж, хууль зөрчсөн албан тушаалтан, УИХ-ын гишүүн, луйварчдыг өөхшүүлэн дэмжсээр байж болохгүй.

Ерөнхий сайд Л.Оюун-Эрдэнэ ёсзүйгээ сахиж, өөрийн гараар улстөрд хөтлөн оруулж ирсэн Э.Болормаадаа хариуцлага тооцож, УИХ-ын гишүүнээс нь эргүүлэн тат. Чадахгүй бол хамт огцор.

УИХ-ын гишүүн Э.Болормаа өөрөө татгалзахгүй бол хуулийн дагуу татагдана. Тэрбээр хамгийн багадаа гаднын компаниас 630 сая төгрөг авсан байна. Энэ бол төрийн эрхийг хууль бусаар авсан үндэслэл.

УИХ-ын гишүүн Э.Болормаа нь Их Британийн Виржиний аралд бүртгэлтэй оффшор компаниас санхүүжилт авсан нь батлагдсан. Төрийн эрхийг хууль бусаар авсан бол 6-гаас дээш жилийн ял авах ёстой байтал том намын дор хариуцлага хүлээдэггүй юм байна. Гэтэл энэ асуудлыг шалгахгүй байгаа аудитын байгууллага ч хариуцлагаа хүлээх ёстой" гэлээ.

ХӨСҮТ:Улаанбурхан өвчний нэг сэжигтэй тохиолдол бүртгэгдсэн
ХӨСҮТ:Улаанбурхан өвчний нэг сэжигтэй тохиолдол бүртгэгдсэн
 
СХД хот нийтийн аж ахуй цэвэрлэгээ, үйлчилгээний техник төхөөрөмжөө шинэчиллээ
СХД хот нийтийн аж ахуй цэвэрлэгээ, үйлчилгээний техник төхөөрөмжөө шинэчиллээ
Энэ мэдээ хуучирсан буюу 2025/02/18-нд нийтлэгдсэн мэдээ болно.