УИХ-ын Эдийн засгийн байнгын хороогоор “Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон Бүгд Найрамдах Хятад Ард Улсын Засгийн газар хоорондын хэлэлцээр”-ийн төслийг зөвшилцөх асуудлыг хэлэлцлээ.

Энэ үеэр УИХ-ын гишүүн П.Сайнзориг, Б.Жаргалан нарын хооронд маргаан дэгдэв. Тодруулбал П.Сайнзориг "Д.Үүрийнтуяа, Н.Пунцаг мэтээр том төслүүдийг хянуулна гэж байхгүй. Хамтарсан ч гэсэн зарчимтай байя" гэсэн юм.

Харин УИХ-ын гишүүн Б.Жаргалан "Таамгаар хүмүүсийн нэр хүндэд халдмааргүй байна, П.Сайнзориг гишүүн ээ. Тэнд ямар ч хувь хүний нэр байхгүй. Та нар гуравдагч улсын шүүхийн нэрийг барьж хувь хүний нэр төрд ХАЛДАХАА болиорой" гэлээ.