Төрийн байгуулалтын байнгын хороо хуралдаж байна. Хуралдаанаар “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төсөл /Засгийн газар 2025.01.08-ны өдөр өргөн мэдүүлсэн, хэлэлцэх эсэх/ асуудлыг хэлэлцэж байна. Энэ үеэр УИХ-ын гишүүн П.Сайнзориг "Богд уулын асуудал дээр төрийн байгууллагууд “жүжиг” тавихаа болих хэрэгтэй. Төрийн байгууллага нь ч, иргэд нь ч отог хэлбэрээр газар авчхаад амьдарч байгаа шүү дээ. Үүнийг хотын нэг хэсэгт оруулж ирж хот нийтийн үйлчилгээг үзүүлэх хэрэгтэй" гэв.