Жүдо бөхийн эрэгтэйчүүдийн 48, эмэгтэйчүүдийн 33, багийн 11 дэх удаагийн насанд хүрэгчдийн улсын аварга шалгаруулах тэмцээн өчигдөр Монгол бөхийн өргөөнд эхэлсэн. Тус тэмцээний +100 кг-ийн жинд ОУХМ Б.Гончигсүрэн түрүүлж, улсын аварга цолыг дөрөв дэх удаагаа хүртсэн бол Монгол Улсын заан Б.Серик мөнгөн медаль хүртэв.

Финалын барилдаанд Б.Гончигсүрэн Б.Серикийг цаг дуусах мөчид сугадаж мушгиад хожлын үнэлгээ авсан юм.

Түүнчлэн Л.Энхболд 2023 оны улсын аваргаас хүрэл авсан амжилтаа давтсан бол Г.Хангарьд тав дахь оролдлогоороо медалийн тавцанд анх удаа гишгэсэн юм.