Сурагчдын амралтын хугацааг өөрчилсөн эсэх талаар БШУЯ-наас тодрууллаа. Тус яамнаас "Сурагчдын амралтыг хойшлуулсан зүйл байхгүй. Арванхоёрдугаар сарын 21-нээс амрах хэвээрээ" гэсэн хариулт өглөө.

Сануулахад, Засгийн газрын есдүгээр сарын 14-ний хуралдаанаар сургууль, цэцэрлэг, их, дээд сургуулийг хэвийн горимд шилжүүлсэн. Ингэхдээ сурагчдын нэгдүгээр улирлын амралтыг арванхоёрдугаар сарын 21-нд эхлүүлж, хоёрдугаар сарын 1 хүртэл амраахаар болсон билээ. 

Өөрөөр хэлбэл, энэ жил анх удаа хичээлийн жилийг 3 улиралтай явуулах бөгөөд хичээлийн өвлийн амралт 45 хоног буюу урт үргэлжилснээр томуу, томуу төст өвчнөөс сэргийлнэ гэж үзэж байгаа юм.