Төв аймаг, Баян сум Өгөөмөр хоёрдугаар баг зам тээврийн осол гарч хоёр хүн автомашины төмөр хийцэд хавчуулагдсан байгааг гаргах шаардлагатай байна гэсэн дуудлагыг 18:25 цагт авчээ.
Багахангай дүүргийн Онцгой байдлыг хэлтсийн 80 дугаар ангийн бэлтгэл ээлжийн алба хаагчдыг очиход, "Bongo3" загварын автомашин, "Prius"-тэй мөргөлдөж "Bongo3" загварын автомашины жолооч 56 настай О-ийн зүүн хөл хугарч, Prius-ийн зорчигч 44 настай, эмэгтэй А нас барсан байжээ. Автомашины төмөр хийцэд хавчуулагдсан талийгаачийн цогцсыг 20 минут ажиллан гаргаж, Төв аймгийн Баян сумын хэсгийн төлөөгч Цагдаад хүлээлгэж өгсөн байна.
