Монголын сагсан бөмбөгийн холбооны 2024-2025 оны Үндэсний Дээд лигийн тэмцээн үргэлжилж байна. Бишрэлт металл багийн тамирчин А.Энхбаясгалан шүүгчдийн чадварт шүүмжлэлтэй хандаж буйгаа өөрийн цахим хуудсаараа дамжуулан илэрхийлсэн байна. Тэрбээр, "Шүүгч нар минь чадвараа сайжруулмаар байна. Энэ улирлын турш хэд хэдэн удаа давтагдаж, тамирчид бие махбодоороо хохирч байна. Баг тамирчид олон жилийн хөдөлмөрөө 3 шүүгчээс болж үнэгүйдүүлмээргүй байна аа. Бид хожигдож болно оо. Гэхдээ шүүгчдээс шалтгаалж биш" гэжээ.