НҮБ-ын ажилтнууд халдвар авснаар энэ долоо хоногт төлөвлөгдсөн биечилсэн бүх уулзалтыг цуцалжээ. Ерөнхий ассамблейн ерөнхийлөгч Волкан Бозкир НҮБ-ын гишүүн 193 орон дахь төлөөлөгчдийн газар руу захидал илгээн уулзалтуудыг цуцалснаа мэдэгдсэн байна. НҮБ-ын эрүүл мэндийн баг халдварын голомтыг илрүүлэхээр ажиллаж байгаа аж. Тус байгууллагын таван ажилтан халдвар авсан нь тогтоогдсон талаар гишүүн орнуудаас мэдээлжээ. Одоогоор аль улс дахь ямар ажилчид халдвар авсныг нууцалж байна.

Улмаар НҮБ-ын Аюулгүйн зөвлөлийн Нью-Йорк дахь уулзалтаа цуцалжээ. Тус уулзалтаар Конго улс дахь НҮБ-ын энхийг сахиулах ажиллагааг сунгах санал хураалтыг явуулах ёстой байв. Одоогийн байдлаар НҮБ-ын олонх ажилчид гэрээсээ ажиллаж байгаа юм. НҮБ-ын төв байранд ажилладаг хүмүүсийн дөнгөж 40 хувь нь л албан газартаа ирж ажиллаж байгаа гэв.