Орон сууцны ипотекийн зээлийн хөтөлбөрийн журам өөрчлөгдөж, энэ оны 10 дугаар сарын 1-нээс эхлэн авах зээлийн жилийн хүүг 6 хувь байхаар тогтоосон.

Шинэчлэгдсэн журам хэрэгжиж эхэлсэн өдрөөс хойш 10 дугаар сарын 22-ны байдлаар нийт 15.8 тэрбум төгрөгийн санхүүжилтийг 221 иргэнд олгоод байна. Тус санхүүжилтийн 9.9 тэрбум төгрөгийн эх үүсвэр бүхий 157 хүсэлтийг Монголбанкнаас, 5.9 тэрбум төгрөгийн 64 хүсэлтийг арилжааны банкуудаас тус тус гарган биелүүлжээ.

Орон сууцны ипотекийн зээлийн хөтөлбөрийн журам өөрчлөгдснөөр энэ оны 10 дугаар сарын 1-ний өдрөөс өмнө авсан орон сууцны зээлийн жилийн хүүг 8 хувь, харин энэ оны 10 дугаар сарын 1-нээс эхлэн авах зээлийн жилийн хүүг 6 хувь байхаар тогтоожээ.