Энэ сарын 1-нээс торгууль, татвараа төлөөгүй тээврийн хэрэгслийг замын хөдөлгөөнд оролцуулахгүй гэдгийг албаныхан мэдэгдсэн. Энэ хүрээнд Тээврийн хэрэгслийн торгуулийн хэмжээ 450,000 төгрөгөөс бага байвал тээврийн хэрэгслийг торгууль төлөх хүртэл журмын хашаанд байрлуулна. Түүнээс их байвал эзэмшигчийг Нийтэд тустай ажил хийлгэх арга хэмжээг авч эхэлсэн талаар ТЦА-наас мэдээллээ. Тодруулбал, 450 мянган төгрөгөөс их торгуультай жолооч нэг өдөр 8 цаг ажиллана. Нэг өдрийн ажлын хөлс 15,000 төгрөгөөр тооцогдох юм байна.