Сэтгүүлч мэргэжлээр их, дээд сургуульд суралцдаг оюутнуудын шилдэг бүтээл шалгаруулах “Алтан Үзэг” улсын наадам өнөөдөр шилдгүүдээ тодруулна. Наадмыг жил бүр Хүмүүнлэгийн Ухааны Их сургууль, МУБИС, МУИС-ийн Сэтгүүлзүйн тэнхим хамтран зохион байгуулдаг билээ. 14 дахь удаагаа зохион байгуулагдаж буй эл тэмцээнд оюутан залуус асуудал хөндсөн нийтлэл, телевизийн нэвтрүүлэг, радио нэвтрүүлэг, нийгмийн реклам, мультимедиа бүтээлийн төрөлд оролцдог билээ.