Өнгөрсөн баасан гарагт 2025 оны төсвийн төслийг эцэслэн баталсан УИХ-ын чуулганы хуралдааны үеэр Дэгийн тухай хууль зөрчигдсөн, мөн УИХ-ын дарга Д.Амарбаясгалан хуулийг зохиож танилцуулсан гэж УИХ-ын гишүүн Ч.Лодойсамбуу мэдэгдсэн.

Тэгвэл УИХ-ын Ерөнхий нарийн бичгийн дарга Б.Баасандорж "УИХ-ын дарга ямар нэгэн дэг зохиож, нэмж тайлбарлаагүй. Ч.Лодойсамбуу гишүүний хэлж байгаа Дэгийн тухай хуулийн 13.2 буюу горимын саналтай холбоотой асуудлыг Анхдугаар чуулган дээр ч, ээлжит бус чуулган дээр ч танилцуулж байсан" гэх тайлбарыг өгөв.