УИХ-ын Байгаль орчин, хүнс, хөдөө аж ахуйн байнгын хороогоор 2025 оны төсвийн төслийн хоёр дахь хэлэлцүүлгийг хийлээ. Энэ үеэр УИХ-ын гишүүн, ХХААХҮ-ийн сайд Ж.Энхбаяр гишүүдийн асуултад хариулт өгөв. Тэрбээр хэлэхдээ,

"ХАА-н салбарын төсөв нэмэгдсэн. 777 тэрбум төгрөгийг “Хүнсний хувьсгал”, “Цагаан алт”, Атрын 4-р аян”, “Шинэ хоршоо-Чинээлэг малчин” хөтөлбөрийн хүрээнд банкуудаас олгосон зээлийн хүүгийн татаасанд зарцуулна.

Мөн энэ салбарт таван төрлийн урамшуулал байгаа. Үйлдвэрт тушаасан нэг литр сүү тутамд 1000 төгрөг, борлуулсан ногооны тонн тутамд 100 мянган төгрөг, гурилын үйлдвэрт тушаасан улаан буудайн тонн тутамд 85 мянган төгрөг, үйлдвэрт тушаасан ноосны кг тутамд 2000 төгрөг, нэхийний кг тутамд 3000 төгрөг, сарлагийн хөөврийн кг тутамд 10 мянган төгрөг гэх мэт үйлдвэрлэлээ дэмжсэн санхүүжилтийн бодлого яваа" гэсэн юм.