2024-2025 оны хичээлийн жилд бие даалтын долоо хоногийг I, II улиралд зохион байгуулахаар тогтсон. Нэгдүгээр улирлын бие даалтын долоо хоног аравдугаар сарын 28-ны өдрөөс эхэлнэ. Тодруулбал, аравдугаар сарын 28-аас арваннэгдүгээр сарын 2-нд бага ангийн хэрэгжүүлэх үйл ажиллагааны чиглэлд бие даалтын долоо хоногт ТАНХИМААР ХИЧЭЭЛЛЭХГҮЙ, музей, үзвэр, спорт, урлагийн зэрэг чөлөөт арга хэмжээг сургуулиуд өөрсдөө сонгон зохион байгуулах аж.

Тэгвэл бие даалтын долоо хоногт бага ангийн сурагчид юу сурах вэ. Тухайлбал тэд

• байгаль орчин,
• өв уламжлал,
• ёс заншил үндэсний тоглоом наадгай суралцах,
• ном унших,
• эрүүл мэндийн үзлэгт хамрагдах,
• эрсдэлд орсон үед өөрийгөө хамгаалах сургалт, зөвлөгөө авах.
• Музей, үзвэр үзэх, урлаг спортын чөлөөт арга хэмжээнд оролцсоноор бие даан суралцах бүтээлч сэтгэлгээ хамтран ажиллах чадвар нь сайжирна гэж үзжээ.