УИХ-ын Боловсрол, соёл, шинжлэх ухаан, спортын байнгын хороогоор Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүдийн хоёр дахь хэлэлцүүлгийг хийлээ.

Энэ үеэр Боловсролын сайд П.Наранбаяр гишүүдийн асуултад хариулав. Тэрбээр сургууль, цэцэрлэгийн байрын түрээсийн асуудалтай холбоотойгоор "Өнгөрсөн онд 32 сургууль, 99 цэцэрлэгийн байрыг 23.6 тэрбум төгрөгөөр түрээсэлсэн байна. 23 тэрбумаар 4 сургууль барих боломжтой" гэх мэдээллийг өгсөн юм.