УИХ-ын 2024 оны ээлжит сонгуулийн дүнгээр байгуулагдсан нийгмийн олон бүлгийн төлөөлөл бүхий 126 гишүүнтэй шинэ парламентын өмнө хууль эрх зүйн орчныг шинэ цагийн хэрэгцээ, шаардлагад нийцүүлэн төгөлдөржүүлэх өндөр хариуцлагатай, өргөн цар хүрээтэй үйл хэрэг хүлээгдэж байгааг Улсын Их Хурлын дарга ээлжит бус чуулганыг нээж хэлсэн үгэндээ онцолсон билээ.

Энэ дагуу нийт 53 Ажлын хэсэг байгуулагдсан талаар УИХ-ын Ерөнхий нарийн бичгийн дарга Б.Баасандорж мэдээлэл өгсөн юм. Тухайлбал,

Хот суурин газрыг орон сууцжуулах тогтолцоог бүрдүүлэх, хуулийн төсөл боловсруулах Ажлын хэсгийг УИХ-ын гишүүн Г.Лувсанжамц ахалж, С.Ганбаатар, Э.Батшугар нарын 12 гишүүнтэй ажиллах юм байна.