УИХ ээлжит бусаар хуралдаж, Засгийн газрын ирэх 4 жилийн үйл ажиллагааны хөтөлбөр, 2024 оны төсвийн тодотголыг хэлэлцэн баталсан билээ. Тэгвэл УИХ-ын Тамгын газраас гишүүдийн ирцийн мэдээллийг нийтэд ил болголоо. Ээлжит бус чуулган нь наймдугаар сарын 12-30-ны хооронд хуралдсан юм.

Бид энэ удаагийн ээлжит бус чуулганд хамгийн идэвх, оролцоо муутай буюу хамгийн их хоцорсон, тасалсан гишүүдийг нэрлэсэн. Эдгээрээс хамгийн их анхаарал татаж буй нь МАН-ын жагсаалтын зургаадугаарт бичигдсэн УИХ-ын гишүүн Д.Ганмаа юм. Тэрбээр гадаадад ажилтай гэх шалтгаанаар ээлжит бус чуулганд огт оролцоогүй буюу 7 удаагийн хуралдааныг өнжсөн байна. Түүний хувьд эмч мэргэжилтэй ажээ.