Англи хэлний сургалтын цогц хөтөлбөрийг 2024-2025 оны хичээлийн жилд 5-7 дугаар ангид хэрэгжүүлэх бол 3-4 дүгээр ангид туршилтаар хэрэгжүүлэхээр бэлтгэж буй талаар Боловсролын Ерөнхий газраас мэдээллээ.

Энэ хүрээнд Английн Pearson байгууллагаас Монгол Улсын сургалтын үзэл баримтлал болон НҮБ-ын тогтвортой хөгжлийн зорилтот тулгуурлан 7 дугаар ангийн англи хэлний сургалтын хөтөлбөрийг боловсруулан Монголын талд хүлээлгэж өгсөн байна.

Энэхүү сургалтын хөтөлбөр нь англи хэлний олон улсын түвшинд тулгуурлан боловсруулагдсан бөгөөд Европын холбооны Гадаад хэлний нийтлэг стандартад нийцсэн ажээ.

Өөрөөр хэлбэл, 7 дугаар ангийн сурагч англи хэлний олон улсын түвшний 32-42 оноо, Европын холбооны Гадаад хэлний нийтлэг стандартын А2/А2+ түвшинд хүрэх боломжтой юм байна.