Олимпын наадмын буудлагын төрөлд манай улсаас Эрэгтэйчүүдийн төрөлд Н.Баяраа, Э.Даваахүү, эмэгтэйчүүдийн ангилалд О.Есүгэн нар эх орноо төлөөлөн олимпын наадамд оролцохоор болоод буй юм. Гэвч ОУХМ О.Есүгэн, Н.Баяраа нарын 3 дасгалд буудах эрх авах байсан мэдүүлэг бүхий албан бичгийг Буудлагын холбоо дутуу бөглөж МҮОХ-нд хүргүүлсэн байсан гэх асуудлаас үүдэн хоёр тамирчин зөвхөн нэг дасгалдаа буудах эрхээ авч, 2 дасгалдаа оролцох боломжгүй болсон талаар мэдээлэл гарсан. Үүсээд буй нөхцөл байдалтай холбогдуулан МҮОХ-ны Гүйцэтгэх зөвлөлийн гишүүн н.Жаргалсайхан "Тамирчны мэдүүлгийг оролцох төрлийнх нь ХОЛБОО гаргадаг. Олимпын хороо бол зуучлалын үүрэгтэй. Тамирчны эрх ашгийг хангах үүднээс ОУОХ руу албан тоотыг хүргүүлэхээр боллоо" гэв.
