Өнөөдрийн байдлаар голуудын усны түвшин 5-20 см даван үерлэж байна. Ус цаг уурын байгууллагын мэдээлснээр Орхон голын дунд хэсгээр, Хэнтий нуруунаас эхтэй Тэрэлж, Сөгнөгөр, Хөвсгөлийн уулсаас эхтэй Үүр зэрэг голын усны түвшин өмнөх өдрийнхөөс 10-20 см нэмэгджээ. Мөн Сэлбэ, Ховд, Хариг зэрэг гол үерийн түвшинг 5-20 см, Булган гол Байтаг, Үенч гол Үенч сум орчмоор үерийн аюултай түвшинг 5 см орчим даван үерлэж байна.

Иймд дээрх голын сав дагуу нутаглаж буй малчид, тариаланчид, аж ахуйн нэгж байгууллага, ард иргэдийг үерийн аюулаас сонор сэрэмжтэй байхыг онцгойлон анхааруулж байна.